Agroónerkásip keshenin sýbsıdııalaý júıesin reformalaý aıaqtaldy - AShM
«2023-2024 jyldarǵa arnalǵan ınflıatsııany baqylaý jáne tómendetý jónindegi sharalar kesheniniń jobasynda mınıstrlikke 31 is-sharanyń oryndalýy bekitildi. Onyń ishinde 10 jedel jáne 21 orta merzimdi is-sharalar kózdelgen. 31 is-sharanyń 24-i ónimniń óndirý kólemin ulǵaıtýǵa, 4-eýi taýarlardy saqtaýǵa, 3-eýi júıeli is-sharalarǵa baǵyttalǵan. 14 is-shara boıynsha mınıstrlik qosalqy oryndaýshy sanalady. Barlyq jedel is-sharalar boıynsha jumystar júrgizilýde», - dedi mınıstr.
Onyń dereginshe, osy jyldyń basynan beri maýsymaralyq kezeńde satý úshin kúzgi jáne erte pisetin kókónisterdi forvardtyq satyp alý bóliginde turaqtandyrý qorlarynyń jumysy qaıta formattaldy. Qaıta óńdeý kásiporyndary úshin shıkizatty satyp alýǵa aınalym qarajatyn berý engizilýde. Tıisti AShM buıryǵynyń jobasy jarııa talqylaý úshin ornalastyryldy jáne qaýymdastyqtarǵa jiberildi.
«Budan bólek, memlekettik qoldaý men arzandatylǵan bıdaı ótkizý tetikteri arqyly qarjylandyrý pysyqtalýda. Shaǵyn jáne orta sharýashylyqtarǵa sýbsıdııalardyń ashyqtyǵyn, qoljetimdiligin qamtamasyz etýge, sondaı-aq sybaılas jemqorlyq táýekelderin azaıtýǵa jáne sýbsıdııa alýshylar úshin qarsy mindettemelerdi engizýge baǵyttalǵan AÓK-ti sýbsıdııalaý júıesin reformalaý aıaqtaldy. Jańa sýbsıdııalaý qaǵıdalarynyń jobalaryn kelisý aıaqtalý satysynda. Erte pisetin kókónisterdiń egis alqaptaryn ulǵaıtýǵa keletin bolsaq, bıylǵy jyly jumystar júrgizildi. Máselen jergilikti atqarýshy organdardyń málimetteri boıynsha egis alqaptarynyń qurylymy qalyptastyryldy. Onda erte pisetin kartoptyń aýdany 10,6 myń gektarǵa deıin, qyryqqabat 8,3 myń gektarǵa deıin, sábiz 2,2 myń gektarǵa deıin, pııaz 3,3 myń gektarǵa deıin ulǵaıtyldy. Osyǵan oraı, atalǵan is-shara Ulttyq ekonomıka mınıstrligimen pysyqtalatyn bolady», - dedi Erbol Qarashókeev.
