Agroónerkásip keshenin qoldaýǵa memleketten 88,2 mlrd. teńge bólindi
ASTANA. 20 sáýir. QazAqparat /Marlan Jıembaı/ - Aǵymdaǵy jyly kóktemgi egis naýqanyna agroónerkásip kesheniniń sýbektilerin qoldaý úshin memleket tarapynan 88,2 mlrd. teńge bólindi.
Bul týraly búgin Úkimettiń selektorlyq otyrysynda Aýyl sharýashylyǵy mınıstri Asyljan Mamytbekov málim etti.
«Agroónerkásip kesheni sýbektilerin qoldaýǵa respýblıkalyq bıýdjetten jáne «Qazagro» ulttyq basqarýshy holdınginiń enshiles uıymdary esebinen 88,2 mlrd. teńge, onyń ishinde bıýdjet qarajaty esebinen 78 mlrd. teńge baǵyttalady», - dedi ol.
Mınıstrdiń atap ótýinshe, aǵymdaǵy jyly jyldyq tıimdi stavka 12 paıyzdan 8 paıyzǵa tómendetilgen. Osy oraıda byltyrǵy jylǵy qurǵaqshylyq saldary men kepil berý kezindegi bankterdiń saqtyqqa barýy qaperge alynǵan. Sonymen qatar Aýyl sharýashylyǵyn qarjylaı qoldaý qory arqyly, ásirese, shaǵyn aýyl sharýashylyǵy taýarlaryn óndirýshilerge qamtamasyz etý talaptary jeńildetilgen ári 2 jylǵa deıingi merzimge nesıe berý tetikteri qarastyrylǵan jańa baǵdarlama ashylǵan.
«Arys» shaǵyn nesıe uıymy arqyly Ońtústik Qazaqstan oblysynda maqta óndirýshilerdi nesıeleý júzege asýda. Bul qor 2 mlrd. teńgeni quraıtyn, ákimdik menshigi bolyp tabylatyn óńirlik kompanııa. ıAǵnı aǵymdaǵy jyly maqtashylarda eshqandaı másele týyndamaıdy, bári sheshilgen», - dedi A.Mamytbekov.
