Agroónerkásip kesheni memlekettiń ekonomıkalyq saıasatynyń basym baǵyttarynyń biri
trong>. Maýsymnyń 9-y. QazAqparat /Erlik Erjanuly/ - Qazaqstannyń et eksportyna Reseıdegi barlyq kedergilerdi joıý sharasy júrigizilip jatyr. Ony Aýyl sharýashylyǵy vıtse-mınıstri Asqar Evnıev búgin ótip jatqan Keden Odaǵy týraly dóńgelek ústel jıynynda aıtty,
dep habarlaıdy QazAqparat.
"Agroónerkásip kesheni memlekettiń ekonomıkalyq saıasatynyń basym baǵyttarynyń biri. Sońǵy jyldary oǵan aıtarlyqtaı ınvestıtsııa salyndy. Keden odaǵy naryǵyn qurý qısyndy qadam bolmaq. Bizdiń ondaǵy múmkindikterimizge mynadaı naqty mysaldy keltirýge bolady. Qazaqstan 1990 jyly 1,5 mıllıon tonnadan astam et óndirip, eksport 347 myń tonnany qurady. Odan keıin bul kólem kúrt azaıdy. Qazir bizdiń Reseıge eksportymyz teńizge tamǵan tamshydaı ǵana", deıdi Asqar Evnıev. Aýyl sharýashlyǵy vıtse-mınıstriniń aıtýynsha, Qazaqstan etiniń ımportyna Reseıde osy ýaqytqa deıin birqatar kedergiler boldy. Qazir endi ony joıý sharalary jasalýda. Máselen, Reseı jylyna 1,5 -1,7 mıllıon tonna et ımporttaıdy. Onyń 700 myń tonnasy sıyr eti. Olar Ońtústik Amerıka, Ýrýgvaı, Paragvaı, Brazılııa sııaqty elderden, negizinen muzdatylǵan kúıinde jetkiziledi. Al biz jańa soıylǵan et usyna alamyz. Bul úshin barlyq múmkindik bar. Eń aldymen úlken azyqtandyrý bazasy men oǵan qajetti barlyq mamandar bar.
