Agroınspektor Nur-Sultan bazarlaryndaǵy kásipkerlerden para alyp kelgen

NUR-SULTAN. QazAqparat – Agroónerkásiptik keshendegi memlekettik ınspektsııa komıtetiniń Nur-Sultan qalasy boıynsha aýmaqtyq ınspektsııasynyń bas mamany astana bazarlarynda kásipkerlerden para alyp kelgen. Bul týraly búgin QR Sybaılas jemqorlyqqa qarsy is-qımyl agenttiginiń búgin ótken onlaın-brıfınginde aıtyldy, dep habarlaıdy QazAqparat.

D.B.Ábilqazıev aýyl sharýashylyǵy ónimderin satýǵa sáıkestik sertıfıkaty bolmaǵany úshin ákimshilik jaýapkershilikke tartpaý jáne jalpy qamqorlyq kórsetý jeleýimen elorda bazarlarynyń aýmaǵyndaǵy kásipkerlerden júıeli negizde 500-den 30 myń teńgege deıin para alyp keldi dep aıyptalǵan.

11 naýryz kúni Nur-Sultan qalasy Almaty aýdanynyń №2 aýdandyq sotynyń úkimimen «Agroónerkásiptik keshendegi memlekettik ınspektsııa komıtetiniń Nur-Sultan qalasy boıynsha aýmaqtyq ınspektsııasy» MM bas mamany D.B.Ábilqazıev QR QK-niń 366-baby 3-bóligi 4-tarmaǵy, 361-baby 1-bóligi boıynsha kináli dep tanyldy. Ol memlekettik qyzmette jumys isteý quqyǵynan ómir boıyna aıyrylyp, 11 mln 480 myń teńge mólsherinde aıyppul tóleýge mindetteldi.