Agrofırmadaǵy órt saldarynan 23 múıizdi iri qara óldi - QR TJM
ASTANA. 13 qarasha. QazAqparat - Almaty qalasynda seısenbi kúni «Almaty aýyr mashına jasaý zaýyty» AQ ashanasy men metall qaqtaıtyn tsehtyń qosymsha bólmesinen órt shyqty.
290 sharshy metr jerdi jalyn sharpydy.
Órt eki saǵattan keıin sóndirildi. Ony aýyzdyqtaýǵa QR TJM Almaty qalasynyń TJD órt sóndirý qyzmetiniń 15 tehnıkasy men jeke quramnyń 48 adamy jumyldyryldy.
Sonymen birge, Almaty oblysynda keshe keshkisin Aldabergenov atyndaǵy agrofırmada mal qamaıtyn aýlanyń shatyry men adamdar turýǵa arnalǵan ǵımarat órtendi. Tilsiz jaý búgin tańerteń ǵana aýyzdyqtaldy.
Ony sóndirýge QR TJM Almaty oblysy TJD órt sóndirý qyzmetiniń 3 tehnıkasy men jeke quramnyń 14t adamy jumyldyryldy. 760 sharshy metr jer otqa orandy. Órt saldarynan 23 múıizdi iri qara óldi.
