AGROFEST Batys 2024 festıvali aıasynda agrarlyq salanyń damýy talqylandy
ORAL. KAZINFORM – Batys Qazaqstan oblysynda jyl saıynǵy "Agrofest Batys 2024" festıvali bastaldy. Aýqymdy mereke Báıterek aýdany Sulýkól aýylynda ótýde.
Aıta keteıik, QR Prezıdenti Qasym-Jomart Toqaev buǵan deıin aýyl sharýashylyǵyn damytý boıynsha birqatar tapsyrma bergen bolatyn. Memleket basshysy ǵylymdy aýyl sharýashylyǵy salasyna tartý arqyly jańa tehnologııalardy engizý qajettigin atap ótti.
Festıval 26-28 shilde aralyǵynda 3 kún ótedi, uıymdastyrýshylar is-sharaǵa qatysýshylar men kelýshiler úshin aýyl sharýashylyǵy tehnıkasynyń, jabdyqtardyń, aýyl sharýashylyǵy janýarlarynyń kórmesin, aýyl sharýashylyǵy daqyldarynyń selektsııalyq jetistikterine arnalǵan alańdy, ІQM, usaq mal jáne jylqy etinen chempıonatty qamtıtyn aýqymdy baǵdarlama daıyndady.
Sondaı-aq, munda ǵalymdar, tabysty kásipkerler, memlekettik sektor ókilderi master-klasstar men pikirtalastar ótkizedi.
Merekeniń ashylýyna Batys Qazaqstan oblysynyń ákimi qatysyp, barlyq qatysýshylardy festıvaldiń bastalýymen quttyqtap, onyń qazirdiń ózinde óńirdiń aıtýly sharasyna aınalǵanyn atap ótti.
«Agrarlyq sala el ekonomıkasynda erekshe oryn alady. Sondyqtan, osy saladaǵy jetistikterimen tájirıbe almasý-bul kezekti oqıǵa ǵana emes, aýyl sharýashylyǵynyń barlyq qyzmetkerlerin biriktiretin naǵyz mereke. Búgin bizdiń is-sharaǵa QR Parlamentiniń depýtattary men mınıstrlikterdiń ókilderi qatysýda. Sondaı-aq oblys pen elimizdiń aýyl sharýashylyǵy salasyn damytýǵa kúsh-qýaty men bilimin jumsaıtyn ǵalymdar men praktıkterge, kompanııa basshylaryna qosh keldińizder deımin», — dedi Narıman Tóreǵalıev.
Sondaı-aq oblys ákimi osy mańyzdy sharany uıymdastyrýǵa jáne ótkizýge atsalysyp, kómektesip jatqan barshaǵa alǵysyn bildirdi.
Festıvaldiń maqsaty — agrotýrızmdi damytý, aýylmen jáne agrobıznespen baılanysta bolý úshin alań qurý, sondaı-aq aýyl sharýashylyǵy qyzmetkeriniń mártebesin arttyrý.
