«Agrobıznes - 2020» baǵdarlamasyn áli de tolyqtyrý qajet - QR Fermerleri odaǵy
ASTANA. 13 tamyz. QazAqparat - Búginde «Agrobıznes - 2020» memlekettik baǵdarlamasyn áli de tolyqtyra túsý qajet. Úkimettiń búgingi otyrysynda QR Fermerleri odaǵynyń prezıdenti Áýezhan Darınov osylaı aıtty.
Onyń oıynsha, atalǵan baǵdarlamaǵa aýyl sharýashylyǵy boıynsha mashına jasaý ónerkásibi máselesin engizý kerek. «Sebebi búginde bizde júrgen aýyl sharýashylyǵy tehnıkasynyń 99 paıyzy shetelde shyǵarylǵan. Qazir osy saladaǵy shaǵyn tehnıka fermerler úshin qoljetimdi bolýy tıis. Ásirese, Ońústik Qazaqstan, Shyǵys Qazaqstan, Almaty jáne Jambyl oblystaryna ondaı tehnıka aýadaı qajet. Sebebi ol aımaqtarda fermerlerdiń basym bóligi - 100 myńnan astam shaǵyn sharýa qojalyqtary shoǵyrlanǵan», - deıdi Á.Darınov.
