Agrobank qurý ıdeıasy áli jetkilikti pysyqtalmaǵan – Ulttyq bank tóraǵasy

ASTANA. KAZINFORM – Ulttyq bank tóraǵasy Tımýr Súleımenov elimizde Agrobank qurý bastamasyna qatysty túsinik berdi. 

Ulttyq bank basshysy Qazaqstanda aýyl sharýashylyǵyn qoldaý quraldary óte keń ekenin atap ótti — bul AShM-niń ózi de sýbsıdııalaý jónindegi baǵdarlamalarymen jáne jergilikti jerlerde aýyl sharýashylyǵy basqarmasymen. 

«QazAgro» holdıngi, azyq-túlik korporatsııasy bar, «QazAgro» qazir «Báıterek» holdınginiń quramynda. Elimizde depozıtter tartyp, kredıtter beretin tolyqqandy bank qurýǵa múmkindik bar», - dedi Tımýr Súleımenov Ulttyq bankte ótken baspasóz máslıhatynda. 

Onyń aıtýynsha, eger «Agrobank» tek aýyl sharýashylyǵy salasyna nesıe berse, ol tolyqqandy bank bolmaıdy. 

«Depozıtorlar aýyl sharýashylyǵyndaǵy táýekelder ámbebap bankke qaraǵanda áldeqaıda joǵary ekenin túsinedi. Sondyqtan bank qurýdyń ıdeıasy áli jetkilikti zerttelmegen sııaqty. Osy oraıda bizdiń ustanymymyz - agrarshylardy qarjylaı qoldaý qajet bolsa, biz ony qoldaımyz. Meniń oıymsha, máseleni tek ınstıtýtsıonaldyq ózgeristermen sheshý múmkin emes. Tereńirek zerttep aǵymdaǵy júıede qalaı jumys isteıtinin kórý kerek. Eger másele «Koldaý» júıesine qatysty ony ózgerteıik», - dedi Ulttyq bank basshysy.

Sondaı-aq T. Súleımenov Úkimettiń usynystaryna baılanysty aýyl sharýashylyǵyn qarjylaı jáne qarjylaı emes qoldaý boıynsha óz ustanymyn bildirýge daıyn ekenin atap ótti.