Agrobank qarjylyq júktememen qatar bilim berý fýnktsııasyn da alyp júrýi kerek – Májilis depýtaty

Agrobank qarjylyq júktemeni ǵana oryndap qoımaı, bilim berý fýnktsııasyn da alyp júrýi kerek. Mundaı pikirdi Májilis deptýtaty Aıdarbek Hodjanazarov bildirdi, Kazinform. 

«Qazaqstan fermerleri úshin qarjylandyrý qoljetimdiliginiń birinshi problemasy ekinshi deńgeıli banktermen is-qımylda jatyr. Ekinshi másele aýyl sharýashylyǵynyń ereksheligimen baılanysty. Klımattyq, epızootııalyq, naryqtyq jáne basqa da táýekelderdi eskere otyryp, qaryz alýshynyń tólem qabilettiligin baǵalaý bank tarapynan saraptama men derekter aýqymyn talap etedi. Biraq ishki naryqtaǵy ekinshi deńgeıli bankterde munyń biri de joq. Sondyqtan salaǵa jumys isteıtin mamandandyrylǵan Agrobank osy problemany sheshe alady», - dedi ol Májiliste ótken dóńgelek ústel barysynda.

Onyń paıymynsha, mamandandyrylyǵan bank qarjylyq júktemeni ǵana oryndap qoımaı, bilim berý fýnktsııasyn da alyp júrýi kerek.

«Mysal retinde Úndistannyń National Bank for Agriculture and Rural Development bankin aıtýǵa bolady. Bul qarjy ınstıtýtynyń bilim berý baǵdarlamalary men trenıngter táýekelderdi basqarý, resýrstardy tıimdi paıdalaný, qarjylyq saýattylyq sııaqty taqyryptardy qamtıdy. Rosselhozbankti alaıyq, onyń «Shkola fermera» jáne «ıA v agro» platformasy agroónerkásip keshenindegi tehnologııalar, saýda, jumys oryndary jáne basqa da derekter týraly aqparat beredi», - dedi Aıdarbek Hodjanazarov.