Agrarlyq ýnıversıtettiń professoryn óltirgen kúdikti ustaldy
TALDYQORǴAN. QazAqparat - Qazaq ulttyq agrarlyq ýnıversıtetiniń ustazy, professor Aǵybaı Smaǵulovty óltirdi degen kúdikpen er azamat ustaldy. 1980 jylǵy azamat marqumnyń máıitin ózi taýyp bergen, dep habarlaıdy QazAqparat tilshisi.
«Kúdikti marqum kómilgen jerdi ózi taýyp berdi. QR QK 99 baby boıynsha is qozǵalyp, tergeý jalǵasýda. Qajetti sot-medıtsınalyq saraptamalar taǵaıyndalǵan», - dep málim etti Almaty oblystyq ІІD baspasóz qyzmeti.
Esterińizge sala keteıik, Aǵybaı Smagulovtyń iz-tússiz joǵalǵandyǵy jóninde aqparat áleýmettik jelige jarııalanǵan bolatyn. Onda er azamat 17 tamyz kúni Almaty qalasyndaǵy úıinen shyǵyp, Almaty oblysyndaǵy Qarasaı aýdanyna baǵyt alǵany jazylǵan edi. Jedel-izdestirý nátıjesinde kúdikti Qarasaı aýdanynda ustalyp, qamaýǵa alyndy.
