«Agrarlyq telearna» ashý qajet - senator
NUR-SULTAN. QazAqparat – QR Parlamenti Senatynyń depýtaty Dúısenǵazy Mýsın mamandandyrylǵan «Agrarlyq telearna» ashý qajet ekenin aıtty, dep habarlaıdy QazAqparat tilshisi.
«Aýyldyq eldi mekenderdi damytýdyń túıindi máseleleriniń biri – aqparattyq qamtamasyz etýdi jańa sapalyq deńgeıge shyǵarý. Aýyl eńbekkerleri ozyq tehnologııalar, memlekettik qoldaý sharalary, zańnamalyq bazadaǵy ózgerister, naryq marketıngi týraly habardar etilýi tıis. Sondyqtan agrarlyq ǵylym men ozyq tájirıbeni, eńbek adamynyń beınesin nasıhattaıtyn kórsetilimderdiń mańyzy óte zor.
Osy oraıda, arnaıy mamandandyrylǵan «Agrarlyq telearna» ashý qajet dep sanaımyz», - dedi depýtat Senatta agroónerkásiptik keshendi damytý taqyrybyna arnalǵan parlamenttik tyńdaýda.
Budan buryn habarlanǵandaı , Dúısenǵazy Mýsın aýyl sharýashylyǵynda sýbsıdııalaý erejeleriniń jıi ózgerýi salanyń damýyna keri áserin tıgizip jatqanyn aıtty.
Munymen qosa ol «QazAgro» holdıngin saýyqtyrý mańyzdy ekenin aıtty.
Senatordyń paıymynsha, memlekettik bıokombınattyń bolýynyń strategııalyq mańyzy zor.
