Agrarlyq sektorǵa kórsetilgen júıeli memlekettik qoldaý óz nátıjesin berýde - N.Nazarbaev
ASTANA. Qazannyń 19-y. QazAqparat - Agrarlyq sektorǵa kórsetilgen júıeli memlekettik qoldaý óz nátıjesin berýde. Bul týraly Elbasy N.Nazarbaev búgin barlyq aımaqtyń ákimderimen bolǵan jumys keńesinde málim etti.
«Aýyl turǵyndaryna júıeli memlekettik qoldaý kórsetý, agrarlyq sektorǵa ilgerindi tehnologııalardy jedeldetip engizý isi óz jemisin berip otyr. Nátıjesinde, bıylǵy qurǵaqshylyqqa qaramastan, 13,7 mıllıon tonna astyq jınaldy. Onyń ishinde elimizdiń eksporttyq áleýeti 7 mıllıon tonnany quraıdy. Oǵan qosa, byltyrǵydan 25 paıyzǵa artyq kúrish jınaldy», - dedi Prezıdent óz sózinde.
Elbasy sondaı-aq qurǵaqshylyqtan zardap shekken sharýashylyqtardyń óz problemalarymen jeke qalyp qoımaǵanyn aıtty. Olarǵa 1,5 mıllıard teńge kóleminde demeýqarjy bólinip otyr. Nesıeler, tuqymdyq ssýdalar jáne lızıngilik tólemder boıynsha olardyń merzimderi uzartylýda.
