Agrarlyq sektordy sýbsıdııalaýǵa qarjy jetispeýshiligi bıznesmenderdi alańdatady - Ivan Saýer
ASTANA. QazAqparat -Úkimet otyrysynda «Rodına» agrofırmasynyń bas dırektory Ivan Saýer agrarlyq sektordy sýbsıdııalaý boıynsha qarjynyń jetispeýshiligi bar degen bıznesmenderdiń alańdaýshylyǵyn jetkizdi, dep habarlaıdy QazAqparat.
«Tıisti ózgertýlerdiń arqasynda óndiristerdi ártaraptandyrýda eleýli túrde alǵa jyljydyq. Osy oraıda maıly daqyldar boıynsha egistikterdiń artýyna memlekettik qoldaýdy durys baǵyttaý sharalary yqpal etti. Sonymen qatar biz tuqym sharýashylyǵyn sýbsıdııalaý máselesendegi ózgeristerge rızashyǵymyzdy bildiremiz. Bul turǵyda astyq shyǵymdylyǵyn arttyrýǵa bolatyndyǵyn aıtýdamyz, ıaǵnı sapaly tuqymsyz astyqtyń ónimdiligin joǵarylatý múmkin bolmaıdy»,-dedi ol.
Sonymen qatar tyńaıtqyshtar máselesine toqtalǵan I. Saýer, búginde ony paıdalaný kólemi artyp kele jatqandyǵyn jetkizdi.
«Otandyq taýar óndirýshilerdi qoldaý baǵytynda batyl qadamdar jasaý kerek. Sebebi bul tyńaıtqyshtar men ósimdikti qorǵaıtyn zattarǵa baǵanyń joǵarylaýyna jol bermeýdiń dáleli. Atap aıtqanda, osy qarjynyń bir bóligi logıstıkalyq ınfraqurylymdy damytýǵa negizdeletindeı sýbsıdııalaý kerek»,-deıdi agrofırmanyń bas dırektory.
Budan bólek ol qarjylandyrý mólsherlemesin sýbsıdııalaý boıynsha qarajattyń jetispeýshiligi turǵysynda bıznes alańdaýshylyq tanytyp otyrǵandyǵyn sóz etti. Bul rette osy jumystar uzaqqa sozylyp ketedi nemese qarjy jetispeıdi degen qaýip bar kórinedi.
I. Saýerdiń paıymynsha, agroónerkásiptik keshenge 26 paıyzdan astam ınvestıtsııalaý belsendigin saqtaý qajet. Osy oraıda bıznes bul baǵyttaǵy ońtaıly qadamdardyń saqtalýyn usynyp otyr.
Budan buryn habarlanǵandaı, Úkimet otyrysynda QR Aýyl sharýashylyǵy birinshi vıtse-mınıstri Qaırat Aıtýǵanov sońǵy jyldary jyl saıynǵy astyq sapasynyń tómendeýi baıqalyp otyrǵandyǵyn atap ótti.
«2011 jyly 1-3 klass astyqtarynyń kólemi 88%-dy, 2016 jyly - 45%-dy qurady, bul rette, kerisinshe sapasy asa tómen 4-5 klass astyq 2011 jylǵy 10%-dan 2016 jylǵy 41%-ǵa ulǵaıdy. Osyny eskere otyryp, kelesi sharalar qabyldandy: biregeı jáne elıtalyq tuqymdardy, sondaı-aq eń tómengi normalardy qoldanbaı, birinshi kóbeıtilgen jáne birinshi urpaq býdandarynyń tuqymdaryn sýbsıdııalaý qalpyna keltirildi»,-dedi ol.
Sonymen qatar vıtse-mınıstr tuqym sharýashylyǵyn sýbsıdııalaýǵa 7,7 mlrd teńge kózdelgenin, bul 2016 jylǵa (2,4 mlrd teńge) qaraǵanda 3,2 ese artyq ekenin aıtty. Bul rette ákimdikter basynda 3,7 mlrd teńge bólgen bolatyn, bul qajet qarajattan 56%-ǵa tómen. Ákimdiktermen júrgizilgen jumys qorytyndylary boıynsha qosymsha 4,0 mlrd teńge bólindi. Bul sol bıýdjettiń sheńberinde, basymdyqtardy qaıta qaraý esebinen boldy.
Munymen qosa, Aıtýǵanov tyńaıtqyshtardy qoldanýǵa yntalandyrý maqsatynda sýbsıdııalaý tásilderi ózgertilgenin, olar tyńaıtqyshtar qoldaný kólemderin ulǵaıtýǵa múmkindik beretinin atady.
Budan basqa, tyńaıtqyshtardy sýbsıdııalaýǵa 13 mlrd teńge bólindi, bul 2016 jylǵa (11,1 mlrd teńge) qaraǵanda 2 mlrd teńgege artyq. Sýbsıdııalanatyn tyńaıtqyshtardyń túrleri 2016 jylǵy 85-ten 2017 jyly 161-ge deıin artty.
«Mal sharýashylyǵyndaǵy josparlanǵan kórsetkishterge qol jetkizý úshin sýbsıdııalaý ólshemsharttaryna eleýli ózgerister engizildi, olar sýbsıdııa alýshylardy qamtýdy ulǵaıtýǵa múmkindik beredi. Bul túpki nátıjesinde ónim kóleminiń ósýine áser etetin bolady: eger iri qara mal eti boıynsha buryn sýbsıdııany 175 sharýashylyq alsa, búgingi kúnde qamtý 522 nemese 100 paıyz»,-dedi ol.
