Agrarlyq salanyń kóptegen ónimi boıynsha iri eksporttaýshy bolýǵa múmkindigimiz zor - Espolov
ALMATY. QazAqparat - Agrarlyq salasynyń kóptegen ónimderi boıynsha elimiz organıkalyq azyq-túliktiń iri eksporttaýshysy bolýyna múmkindigi zor, dedi Qazaq Ulttyq Agrarlyq ýnıversıtetiniń rektory Tilektes Espolov «Agroónerkásiptik keshen Qazaqstan ekonomıkasy damýynyń draıveri» atty respýblıkalyq forýmda, dep habarlaıdy QazAqparat tilshisi.
Rektor baıandamasynda búgingi kúni Qazaqstannyń agroónerkásiptik kesheniniń aldynda álemdik naryqta eksportqa baǵyttalǵan, básekege qabiletti, sapaly ónim kólemin molaıtý, azyq-túlik qaýipsizdigin qamtamasyz etý mindeti turǵanyn aıtty.
«2016 jyly «Aýyl sharýashylyǵy kooperatıvteri týraly» jańa zań qabyldandy. Aýyl sharýashylyǵy mınıstrligi «Qazaqstan Respýblıkasynyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasyn» jasap, Úkimetke bekitýge usyndy. Joldaýda 500 myńnan astam jeke úı sharýashylyqtary men shaǵyn fermerlerdi kooperatıvterge biriktirý, aýyl sharýashylyǵyn sýbsıdııalaý men nesıe berýdiń jańa mehanızmderi qarastyrylǵan. Aýyl sharýashylyq kooperatıvterine birikken ujymdarǵa arnaıy salyq júıesi engizilip, olarǵa 70 paıyzdyq jeńildik beriledi. 5 jyl ishinde sýarmaly egis alqabyn 40%-ǵa keńeıtip, 2 mıllıon gektarǵa jetkizý kózdelip otyr. Óndiriste suranysqa ıe agrarlyq ǵylymı zertteýlerge salynatyn ınvestıtsııa kólemi ulǵaıady. Agrarlyq salanyń kóptegen ónimderi boıynsha elimiz organıkalyq azyq-túliktiń iri eksporttaýshysy bolýyna múmkindigi zor», - dedi Tilektes Espolov.
Eske sala keteıik, 2017 jyldyń 31 qańtarynda Qazaqstan Respýblıkasynyń Prezıdenti Elbasy Nursultan Nazarbaev «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýyn jarııa etti.
