Agrarlyq saladaǵy jańashyldyq shyǵyndardy qanshalyqty azaıtady
«Biz egis ónimdi bolý úshin úsh tehnologııamen jumys isteımiz, ol - dándi búrkip shashý ádisi, bul dástúrlige qaraǵanda 30-40%-ǵa únemdi, ekinshi tyńaıqyshtardy qajetti jerlerge paıdalaný, odan 15-20% aralyǵynda shyǵyn azaıdy, sebebi buryn tyńaıtqyshty tolyq kólemde sebetinbiz, al jańa tehnologııa qaı jerge azot, qaı jerge fosfor jetpeıtinin ózi anyqtaıdy, biz sol boıynsha qamtamasyz etemiz. Úshinshi ónimdiliktiń artýy, ótken jyly ortalyq jalpy kólemi 9,2 tsentner ónim aldy, bıyl 20 tsentnerden asa ónim alýdy josparlap otyrmyz», - dedi A.I.Baraev atyndaǵy astyq sharýashylyǵy ǵylymı-óndiristik ortalyǵynyń dırektory Kenje Abdýllaev.
Dálme-dál eginshilik elementteri degenimiz, ol alqaptardyń elektrondyq kartalary, naqty meteoderekter, sensorlar men datchıkter, ǵaryshtyq monıtorıng pen basqa da sheshimder jatady.
Sondaı-aq, ortalyq basshysy joǵaryda atalǵan tehnologııalardy paıdalaný ónimdi artyǵymen alýmen qatar, shyǵyndy azaıtynynda tilge tıek etti. «Jalpy, ónimdilikti arttyrýǵa ahrohımııany, tuqym sharýashylyǵyn, agrarlyq ǵylymdy jaqsartý, tehnologııalyq operatsııalardyń ýaqtyly iske asyrylýy men sapasy, datchıkterdi paıdalaný jáne tabıǵı faktorlardy esepke alý esebinen qol jetkizýge bolady, bul shyǵyndy keminde 25%-ǵa tómendetýge múmkindik beredi», - dep atap ótti K.Abdýllaev.
