Agrarlyq oqý oryndarynyń túlekterine qandaı talaptar qoıylady
NUR-SULTAN. QazAqparat - QR Aýyl sharýashylyǵy agrarlyq saladaǵy mamandyqtar boıynsha granttardy durys toptastyrý sharalaryn engizip jatyr, dep habarlaıdy QazAqparat tilshisi.
Aıta keteıik, búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
«Zań jobasynyń aıasynda Bilim jáne ǵylym mınıstrliginiń aýyl sharýashylyǵy mamandyqtary boıynsha bilim berý granttarynyń kólemin qalyptastyrý jónindegi qyzmetteri QR Aýyl sharýashylyǵy mınıstrligine berý kózdeledi. Sonymen qatar, agrarlyq joǵary oqý oryndarynyń bitirýshileri úshin aýyldy jerlerde mindetti túrde jumyspen óteý talaby engiziledi. Zańnamaǵa ózgerister men tolyqtyrýlar engizý - agrarlyq sektordyń qajettilikterin eskere otyryp, memlekettik tapsyrysty dál qalyptastyrýdy qamtamasyz etýge, sondaı-aq mamandyqtar boıynsha granttardy durys toptastyrýǵa múmkindik beredi», - dedi QR Aýyl sharýashylyǵy mınıstri Saparhan Omarov.
Budan buryn habarlanǵandaı, Aýyl sharýashylyǵyndaǵy saqtandyrý júıesi túbegeıli ózgeredi. Mindetti saqtandyrýdan erikti saqtandyrýǵa, saqtandyrý tólemderin sýbsıdııalaýdan saqtandyrý syıaqylaryn sýbsıdııalaýǵa kóshý júzege asyrylady.
