«Agrarlyq nesıe korporatsııasy» kóktemgi egin jumystaryn qarjylandyrýǵa ótinishter qabyldaıdy

ASTANA. QazAqparat - «QazAgro» Ulttyq basqarýshy holdınginiń quramyna kiretin «Agrarlyq nesıe korporatsııasy» AQ kóktemgi egin egý jáne kúzgi jıyn-terim jumystaryn qarjylandyrý úshin ótinishter qabyldaıdy, dep habarlaıdy korporatsııanyń baspasóz qyzmetinen.

Aýylsharýashylyǵy taýarlaryn óndirýshiler alǵan qarjysy arqyly janar-jaǵarmaı materıaldaryn, aýyl sharýashylyǵy tehnıkasyn jóndeý úshin qosalqy bólshekter men materıaldardy, mıneraldyq tyńaıtqyshtardy, ósimdikterdi qorǵaý quraldaryn satyp alýǵa jáne ónimdi egý men jınaý boıynsha ózge de qajetti sharalardy ýaqtyly júzege asyrýǵa múmkindik alady.

Kóktemgi egin egý men kúzgi jıyn-terim jumystaryn ótkizýge qajet nesıeni 5% jyldyq stavkamen ústimizdegi jyldyń 1-jeltoqsanyna deıingi merzimge, ekinshi deńgeıli bankterdiń kepildemesi arqyly alýǵa bolady.

Sondaı-aq, kredıttik seriktestikter júıesi arqyly 9%-ǵa deıin jyldyq syıaqy stavkasy boıynsha kepilge jyljymaly jáne jyljymaıtyn múlik qoıý arqyly da qol jetkizýge bolady.

Aıta keteıik, 2001 jyly QR Úkimeti qaýlysymen qurylǵan «Agrarlyq nesıe korporatsııasy» AQ negizgi maqsaty - elimizdegi agroónerkásip kesheni sýbektilerin qoljetimdi nesıeleý júıesin damytý arqyly agrarlyq salany ındýstrııalandyrý jáne ártaraptandyrý.