«Agrarlyq nesıe korporatsııasy» AQ bank mamandaryn mal sharýashylyǵy boıynsha nesıe berýde oqytýda
«Agrarlyq nesıe korporatsııasy» AQ aýyl sharýashylyq sektoryn qarjylandyrý aýmaǵyn ulǵaıtý maqsatynda, agroónerkásip kesheni sýbektilerine nesıe berý úshin ekinshi deńgeıli bankterge qarjy bóle bastady, dep habarlaıdy «Agrarlyq nesıe korporatsııasy» AQ baspasóz qyzmetinen.
Osyǵan baılanysty «Agrarlyq nesıe korporatsııasy» AQ «Qazaqstan qarjygerler qaýymdastyǵy» zańdy tulǵalar birlestiginiń qoldaýymen ekinshi deńgeıli bank ókilderine eki kúndik tegin oqytý semınarlaryn ótkizdi. Búgingi kúnge deıin osyndaı eki semınar uıymdastyrylyp, oǵan 47 bank ókili qatysty.
Jaqynda ótken ekinshi semınarǵa «Qazkommertsbank» AQ, «Qazaqstan halyq banki» AQ, «Qazaqstan Eksımbanki» AQ, «Astana banki» AQ, «Bank RBK» AQ, «Nurbank» AQ jáne «Tsesnabank» AQ kelgen 23 qyzmetker qatysty.
Semınar ekinshi deńgeıli bank ókilderin mal sharýashylyǵy boıynsha nesıe berýshi, kepildi qamtamasyz etýshi, táýekel-menedjment jáne zańger mamandardardy oqytý baǵdarlamasyna sáıkes júrgizildi. Semınar barysynda osy jıynǵa shaqyrylǵan «QazAgroÓnim» AQ mamandary mal sharýashylyǵyna qatysty suraqtarǵa jaýap berse, «Qazagromarketıng» AQ ókilderi aýyl sharýashylyq taýar óndirýshilerine sýbsıdııa berý jóninde qajetti keńesterin jetkizdi jáne korporatsııa mamandary da mal sharaýashylyǵy salasyndaǵy agroónerkásip kesheni sýbektilerin nesıeleýdiń erekshelikteri týraly suraqtarǵa jaýap berdi.
Oqytý baǵdarlamasy aıasynda jınalǵandar qoı sharýashylyǵy, iri qara ósirý jáne jylqy sharýashylyǵyn damytý sekildi túrli baǵytta tájirbıe almasty. Sondaı-aq qarjyǵa alynǵan mal basyn qadaǵalaý, onyń ishinde nesıege alynǵan mal basyn espke alý, óndiristik shyǵyndardy esepteý, et satýdan túsken paıdany esepteý sekildi teorııalyq jáne tájirbıelik suraqtarǵa jaýap berdi.
Jıyn sońynda semınarǵa qatysýshylar keleshekte paıdasy zor mundaı oqytý kýrstaryna óz qyzǵýshylyqtaryn bildirip, korporatsııa men agroónerkásip kesheni baǵytynda yntymaqtastyqty odan nyǵaıtýǵa usynystaryn jetkizdi.
