Agrarlyq mamandyqtarǵa bólinetin aýyl kvotasy kóbeıýi múmkin

NUR-SULTAN. QazAqparat – Aýyl sharýashylyǵy mınıstrligi men jáne Bilim jáne ǵylym mınıstrligi agrarlyq mamandyqtar boıynsha oqýǵa túsýge qabyldaý kvotasynyń mólsherin ulǵaıtý máselesin pysyqtap jatyr, dep habarlaıdy QazAqparat tilshisi.

Aýyl sharýashylyǵy mınıstri Saparhan Omarov Májilis ókilderiniń depýtattyq saýalyna joldaǵan jaýabynda osyndaı málimet keltirgen.

«Búgingi kúni aýyl sharýashylyǵy mamandyqtary boıynsha bilim alý granttaryn bólýde aýyldyq kvotalar úlesin arttyrý «Tehnıkalyq jáne kásiptik, orta bilimnen keıingi jáne joǵary bilimniń bilim berý baǵdarlamalaryn iske asyratyn bilim berý uıymdaryna oqýǵa túsý kezinde qabyldaý kvotasynyń mólsherin bekitý týraly» Qazaqstan Respýblıkasy Úkimetiniń 2012 jylǵy 28 aqpandaǵy № 264 qaýlysy arqyly retteledi. Bul rette bizdiń mınıstrlik pen QR BǴM atalǵan qaýlyǵa agrarlyq mamandyqtar boıynsha oqýǵa túsýge qabyldaý kvotasynyń mólsherin ulǵaıtý bóliginde ózgeris engizýdi pysyqtaýda», - deıdi Saparhan Omarov.