Agrarlyq qolhatpen kepilge ne alynady
ASTANA. QazAqparat - Májilis depýtattary «Agrarlyq qolhattar týraly» QR zańynyń ázirlep, Úkimetke qorytyndy alýǵa jiberdi. Bul týraly búgin Memleket basshysynyń Parlamenttiń 4-sessııasynda qoıǵan mindetterin talqylaýǵa arnalǵan Parlamenttegi «Nur Otan» partııasy fraktsııasynyń jınalysynda depýtat Saparhan Omarov aıtty, dep habarlaıdy QazAqparat tilshisi.
«Barlyqtaryńyzǵa belgili, jyldan-jylǵa aýyl sharýashylyǵy taýarlaryn óndirýshilerdi qarjylandyrý qoljetimdiligi tómendeı túsýde. Qarjy aınalymynyń jetispeý máselesine sharýalar kóktemgi egis jáne kóktemgi egin jınaý jumystaryn júrgizý kezinde udaıy tap bolady. Ásirese budan shaǵyn jáne orta aýyl sharýashylyǵy taýlarlaryn óndirýshiler qatty zardap shegip otyr», - dedi Saparhan Omarov.
Onyń aıtýynsha, bul máseleniń oryn alýyna sharýalardyń qolynda kepildiń bolmaý sebep. Al osy rette Májilis depýttary ázirlegen «Agrarlyq qolhattar týraly» zań jobasy atalǵan máseleni sheshýge baǵyttalǵan jańa nesıelendirý quraly bolýy kerek.
«Eń basty aıtatyn nárse agrarlyq qolhattar boıynsha kepil retinde aldaǵy astyq túsimi, aýyl sharýashylyǵy maqsatyndaǵy jerler, ýaqyt óte kele mal janýarlary alynatyn bolady. «Agrarlyq qolhattar týraly» QR zańynyń jobasy zań shyǵarý bastamasy tártibinde bizdiń fraktsııa depýtattarymen ázirlenip, Úkimetke qorytyndy alýǵa jiberildi. Qazirgi kezde osy zań jobasy boıynsha memlekettik organdarmen jáne basqa uıymdarmen jumys jalǵasýda», - dedi Májilis depýtaty.
