Agrarlyq kásiporyndardy qarjylyq saýyqtyrýǵa 65 mlrd. teńge bólindi
ASTANA. QazAqparat - 2015 jyly Qazaqstannyń agroónerkásiptik keshenniń kásiporyndaryn qarjylyq saýyqtyrýǵa 65 mlrd. teńge berildi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Premer-Mınıstriniń birinshi orynbasary Baqytjan Saǵyntaev málim etti.
Onyń sózine qaraǵanda, AÓK salasynda kóptegen qurylymdyq reformalar júrgizildi. Bul turǵyda shaǵyn aýyl sharýashylyǵy taýarlaryn óndirýshilerdiń birigýine bóget bolǵan kedergiler joıylyp, organıkanyń óndirisin damytýǵa jaǵdaılar jasaldy, aldyńǵy qatarly jetistikterdi paıdalanýǵa qoldaý berildi.
«QazAgro» holdıngi arqyly AÓK-ti qoldaýdyń barsha baǵyttary boıynsha 317 mlrd. teńgege tarta qarjy bólindi, onyń ishinde 65 mlrd. teńge kásiporyndardy saýyqtyrý úshin qarjylandyrýǵa berildi. Bul óz kezeginde 2015 jyly 29 myńnan astam adamnyń jumyspen qamtylýyna jáne 6 myńǵa jýyq jańa jumys oryndaryn qurýǵa múmkindik berdi»,-dedi ol.
B. Saǵyntaevtyń aıtýynsha, aýyl sharýashylyǵy taýarlaryn óndirýshiler 203 mlrd. teńgege 15,5 myń nesıe berilgen. «QazAgro» arqyly qarjylandyrylatyn jobalar 121 aýdan men 25 qalada júzege asyrylýda. Quny 41,5 mlrd. teńgeniń quraıtyn 92 joba iske qosyldy.
