Agrarlyq ǵylymdy damytyp, kadr daıarlaıtyn Zertteý ýnıversıteti quryldy
«Endi Ulttyq agrarlyq ǵylymı bilim berý ortalyǵyna qarasty S.Seıfýllın atyndaǵy Qazaq agrarlyq-tehnıkalyq ýnıversıtetiniń quramyna 3 ǵylymı-zertteý ınstıtýty kiredi. Olar - A.Baraev atyndaǵy astyq sharýashylyǵy ǵylymı-óndiristik ortalyǵy, Qazaq orman sharýashylyǵy, agroormanmelıoratsııasy ǵylymı-zertteý ınstıtýty, Nur-Sultan qalasyndaǵy qaıta óńdeý jáne tamaq ónerkásibi ǴZI jáne Soltústik Qazaqstan aýyl sharýashylyǵy tájirıbe stantsııasy. QR Aýyl sharýashylyǵy mınıstrligi osyndaı naqty sheshim qabyldady», - delingen UAǴBO baspasóz qyzmetiniń málimetinde.
Osylaısha, QATÝ álemniń jetekshi ýnıversıtetteri sııaqty agrarlyq ǵylym men kadrlardy daıarlaýdyń qazirgi zamanǵy modeline kóshedi. Atalǵan modelde zerthana-aýdıtorııa jáne óndiris ózara baılanysty júıemen biriktiriledi. Ýnıverıstet osy maqsatta álemdegi jetekshi agrarlyq ýnıversıtetter: UC Davis (AQSh) jáne AgroParisTech-pen (Frantsııa) birge QATÝ-dy damytýdyń aldaǵy 5 jyldyq baǵdarlamasyn ázirledi.
Onyń ereksheligi mynada:
1. Zertteý ýnıversıtetinde sheteldik jetekshi ǵalymdarmen birlesip júzege asyrylatyn ǵylymı baǵdarlamalar mýltıplıkatıvti nátıjesimen tıimdi. ıAǵnı, AÓK-niń ózekti máselelerin sheshetin ǵylymı ázirlemelermen birge, osyndaı jańa baǵdarlamalar negizinde zamanaýı ǵylymı kadrlar daıyndalady. Árbir ǵylymı zertteýdiń nátıjesi stýdentter úshin birden jańa bilim berý baǵdarlamalaryna aınalady.
2. Bilim alýshylardy praktıkalyq basymdyqpen oqytý kúsheıtiledi, olar stýdenttik kezden ǵylymı jumysqa tartylatyn bolady. Sondyqtan agrarlyq fakýltetterdiń joǵary kýrs stýdentteri, magıstranttar, doktoranttar ǴZI jáne tájirıbelik stantsııa bazasyndaǵy kampýstarda turyp oqıdy. Búgingi kúni QATÝ sheteldik áriptester kómegimen oqý baǵdarlamalaryn jańǵyrtýdy bastady. Eger olardyń barlyq usynystaryn oryndaý múmkin bolsa, 5 jyldan keıin QATÝ-dyń magıstrlik dıplomy AgroParisTech ýnıversıtetinde de moıyndalatyn bolady.
3. Zertteý ýnıversıteti fermerler úshin bilim taratý ortalyǵyna («extension services») aınalady (agrarlyq mamandardy qaıta daıarlaý). Jetekshi agrarlyq ýnıversıtetterde «extension services» júıesi ǵylymdy óndirispen baılanystyratyn «kópir».
Osylaısha, QATÝ respýblıkadaǵy AÓK-de qazirgi zamanǵy jáne eń iri zertteý ári bilim berý ortalyǵyna aınalmaq. Ýnıversıtette oǵan qajetti barlyq ǵylymı, óndiristik ınfraqurylymdar bar.
