Agrarlyq ǵylym osy salaǵa jańa tehnologııalardy engizýge baǵyttalýy tıis

Búgin «Kedendik odaq elderiniń agroónerkásiptik keshenin damytýdy ǵylymmen qamtamasyz etý» atty halyqaralyq konferentsııa barysynda baıandama jasaǵan QR Aýyl sharýashylyǵy mınıstrligi Strategııalyq josparlaý jáne ınnovatsııalyq saıasat departamentiniń dırektory Núrken Shábıev osylaı málim etti, dep habarlaıdy QazAqparat.

N. Shábıevtyń aıtýynsha, Kedendik odaq aıasynda jedel qarqynmen ınnovatsııalar men jańa tehnologııalardy engizý álemdik azyq-túlik naryǵyndaǵy básekelestik úshin mańyzda shara bolyp tabylady.

«Osy turǵydan alǵanda Kedendik odaqqa qatysýshy-memleketterdiń agrarlyq keshenin damytýdy tıimdi qamtamasyz etý úshin agrarlyq ǵylym jańa urpaqtyń jańa tehnologııalaryn engizýmen aınalysýy tıis. Agrarlyq ǵylym ónimniń joǵary sapalylyǵyn qamtıtyn, resýrsty únemdeýdi, ekologııalyq qaýipsizdik pen álemdik naryqtaǵy básekege qabilettilikti arttyratyn jumystarǵa baǵdarlanýy tıis. Bul rette agrarlyq sala ǵalymdary aýyl sharýashylyǵy taýaryn óndirýshilerge tehnologııalyq serpindilik joldaryn kórsetip qana qoımaı, álemdik tehnologııanyń transferti úderisine belsendi qatysýshysy bolyp, óndiriske ǵylymı ádistemelerdi endirý, sondaı-aq mamandar daıarlaý salalaryna basymdyq kórsetýi shart», dedi Departament dırektory.

Sonymen birge, ol biregeı kedendik keńistikte teńdeı jaǵdaılar qalyptastyryp, ádil básekelestikti ornyqtyrý úshin agroónerkásiptik keshenge memlekettik qoldaý sharalaryn birizdilendirý qajettigin atap ótti.