Agrarlyq nesıe korporatsııasy SQO-daǵy fılıalynyń dırektory sottaldy

PETROPAVL. KAZINFORM – Petropavl qalalyq soty «Agrarlyq nesıe korporatsııasy» AQ-nyń Soltústik Qazaqstan oblysy boıynsha fılıalynyń dırektoryna qatysty úkimdi jarııalady.

«Ol aýyl sharýashylyǵy taýaryn óndirýshilerden arnaıy tehnıka satyp alý jáne aınalym qarajatyn tolyqtyrýǵa nesıe qaryzdaryn jedeldetip bergeni úshin, 100 jáne 500 myń teńge mólsherinde birneshe márte para alǵany úshin kináli dep tanyldy.

Sot úkimimen oǵan memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıyna aıyra otyryp, 7 jylǵa bas bostandyǵynan aıyrý túrindegi jaza taǵaıyndaldy», — dep jazdy Antıkordan.

Úkim zańdy kúshine engen joq.