Agrarıılerge «Qoldaý» júıesinde sýbsıdııaǵa ótinish berý jeńildedi

NUR-SULTAN. QazAqparat – QR Báskelestikti qorǵaý jáne damytý agenttigi aýyl shraýashylyǵy taýaryn óndirýshilerdiń «Qoldaý» júıesindegi shekteýler týraly shaǵymyna qulaq asty, dep habarlaıdy QazAqparat tilshisi.

Aýyl sharýashylyǵyna beriletin sýbsıdııa «Qoldaý» júıesi arqyly elektrondy nusqada qabyldanady. 13 shildege deıin atalǵan júıe arqyly sýbsıdııa berý týraly ótinim rásimdeý úshin oblys bıýdjetinde atalǵan maqsatqa bólingen qarajat bolýy kerek edi. ıAǵnı bıýdjette sharýa surap otyrǵan sýbsıdııa túrine bólingen qarjy bolmasa, ótinish bere almaıtyn. Bıýdjetke qarajat túsken kúnnen bastap ótinish qabyldaý bastalatyn.

«Qoldaý» platformasy qarajat bólingennen keıin ǵana ótinimderdi qabyldaı bastaıdy. Biraq ol qarajat eki-úsh kúnniń ishinde bitip qalady da, platforma ótinim qabyldaýdy toqtatady. Bul osy júıede jumys isteı alatyn nemese osy salada mamandary bar adamdarǵa paıdaly. Al osy eki-úsh kúnniń ishinde úlgermegenderi ótinish bere almaıdy. ıAǵnı agroónerkásip keshenindegi sýbektilerdiń sýbsıdııalarǵa qol jetkizý múmkindigi teń emes», -d ep sıpattalǵan agentiktiń túsindirmesinde.

Agenttik mamandary atyraýlyq sharýalardyń osy shaǵymyn nazarǵa alyp, Aýyl sharýashylyǵy mınıstrligine sýbsıdııa jónindegi ótinishterdi bıýdjette qarajattyń bolǵan, bolmaǵanyna qaramastan qabyldap, óńdeýdi usynǵan bolatyn. Sondaı-aq, túsken ótinishterdi berilgen ýaqyty boıynsha kezekke qoıý tártibin engizý týraly nusqaý berilgen.

13 shildede Aýyl sharýashylyǵy mınıstriniń mindetin atqarýshynyń № 207 buıryǵy shyǵyp, «Asyl tuqymdy mal sharýashylyǵyn damytýdy, mal sharýashylyǵy óniminiń ónimdiligi men sapasyn arttyrýdy sýbsıdııalaý erejelerine túzetý engizildi. Budan bylaı qarjy túspegen kezde qabyldanǵan ótinishter «kútý paraǵy» boıynsha kezekke qoıylady. Bıýdjetke qarajat túsken boıda sýbsıdııa sol kezek boıynsha rásimdelýi kerek.