AǴR: Irakta 1,5 myńǵa tarta adam IM jerasty túrmesinen bosatyldy
ASTANA. QazAqparat - Irak qaýipsizdik kúshteri batystaǵy Anbar provıntsııasynyń Hıt qalasyna baqylaýdy qalpyna keltirý operatsııasynyń barysynda 1,5 myńǵa jýyq adamdy «Islam memleketi» lańkestik tobynyń túrmesinen bosatty. Bul týraly Agence France Presse (AFP) habarlady.
Onyń málimetterine qaraǵanda, qala oramdaryn lańkesterden bosatý urystarynyń barysynda ırak áskerı qyzmetshileri IM baqylap otyrǵan úlken jerasty túrmesin tapqan. Onda 1,5 myńǵa jýyq adam bolǵan, negizinen - beıbit azamattar. Olardyń bári de bostandyqqa shyǵaryldy, dep jazady TASS.
Qazirgi kezde Hıt ırak armııasynyń basty maqstay bolyp otyr, bul eldi meken Anbar provıntsııasynyń ortalyǵy - Ramadı qalasynan 70 shaqyrym qashyqtyqta ornalasqan, ony úkimet áskerleri lańkesterden jyl basynda tartyp alǵan bolatyn. Ramadıden shegingen ekstremıstik qurylymdar qaldyqtary Hıt qalasynyń túbine bekingen.
Ótken jyldyń jazy ortasynda Irak úkimeti Anbar provıntsııasyn IM qurylymdarynan azat etý naýqany bastalǵanyn málimdegen bolatyn. Úkimettik áskerlerdiń basty soqqysy provıntsııanyń eki iri qalasy - onyń ortalyǵy Ramadı men El-Fallýdjaǵa baǵyttalǵan. Ramadıdi azat etý ırak úkimettik kúshteriniń kópten bergi alǵashqy jeńisi boldy.
