Aǵylshyndyq klýbtyń 17 jastaǵy oıynshysy gol soǵyp, rekord jasady

ASTANA. KAZINFORM — Fýtboldan Eýropa lıgasyndaǵy jalpy kezeńdegi matchtar máresine jetti.

Aǵylshyndyq «Tottenhem» klýbynyń shabýylshysy Mıkı Mýr iri eýropalyq jarysta 17 jasynda gol soqqan eń jas oıynshy atandy.

M.Mýr Eýropa lıgasy jalpy kezeńiniń 8-týrynda shvetsııalyq «Elfsborg» klýbymen oıynda 94-mınýtta esepti 3:0-ge jetkizdi. Ol týǵanyna 17 jas 172 kún bolǵanda, aǵylshyn oıynshylary arasynda osyndaı rekordtyq nátıjege qol jetkizdi.

Budan burynǵy úzdik nátıje Djımmı Grıvzge (17 jas 245 kún) tıesili edi. Ol 1957 jyly «Chelsı» quramynda kózge túsken bolatyn.

Londondyq «Tottenhem» Eýropa lıgasynyń jalpy kezeńiniń qorytyndysy boıynsha 17 upaı jınap, tórtinshi orynǵa taban tiredi. «Elfsborg» úzdik 24 komandanyń qataryna ilige almady.
Alǵashqy úshtikten «Latsıo» (Italııa), «Atletık» (Ispanııa), «Manchester ıÝnaıted» (Anglııa) kórinse, «Aıntraht» (Germanııa), «Lıon» (Frantsııa), «Olımpıakos» (Grekııa), «Reındjers» (Shotlandııa) 1/8 fınalǵa birden joldama aldy.

Túrkııanyń «Galatasaraı», «Fenerbahche» klýbtary 1/8 fınal joldamasy úshin kúresýge múmkindik beretin TOP-24-ke endi. Al Qazaqstan ulttyq quramasynyń oıynshysy Baqtıer Zaınýtdınov óner kórsetetin «Beshıktash» komandasy sońǵy týrda nıderlandylyq «Tventeden» 0:1 esebimen jeńilip, jalpy kestede 28-orynǵa túsip qaldy. Bul oıynda B.Zaınýtdınov qosalqy quramda boldy.

Eske sala keteıik, budan buryn Chempıondar lıgasynda rekordtyq nátıje tirkelgenin jazǵan bolatynbyz.