Aǵylshyn tili páni aptasyna 5 saǵat oqytyla ma - mınıstr ustanymy

ASTANA. KAZINFORM – Oqý-aǵartý mınıstri Ǵanı Beısembaev Úkimet otyrysynan keıin ótken baspasóz máslıhatynda aǵylshyn tili pánin aptasyna 5 saǵat oqytý týraly usynysqa pikir bildirdi.

- Áriptesterimizdiń, sarapshylardyń aıtýyna qaraǵanda, dál qazirgi saǵat sany jetkilikti. Eń bastysy, saǵat sanyn emes, sapasyn arttyrýǵa birinshi kezekte den qoıý týraly másele kóterilip otyr. Eger oqý sapasy kóterilse, saǵatty kóbeıtýdiń qajettigi bolmaýy da múmkin, - dedi mınıstr.

Onyń sózinshe, oqýshylardyń saǵat júktemesi onsyz da kúrdeli. 

- Men sarapshylardyń osy oıymen kelisemin. Aptasyna 5 saǵat qoıý mindetti emes. Onsyz da 5 saǵat matematıka bar, qazaq tiliniń sanyn da arttyryp jatyrmyz. ıAǵnı, aǵylshyn tili pánin aptasyna 5 saǵat oqytýdyń qazir qajeti joq, - dedi Ǵanı Beısembaev. 

Eske salsaq, aqpan aıyndaǵy vedomstvonyń alqa májilisinde mınıstr bıologııa, ınformatıka, aǵylshyn, qazaq tili muǵalimderiniń daıyndyǵy álsiz ekenin aıtqan bolatyn.