Agenttik ókili BJZQ-daǵy aqshasy azaıyp qalǵanyna shaǵymdanǵan salymshylarǵa keńes berdi

ASTANA. KAZINFORM – Qarjy naryǵyn retteý jáne damytý agenttigi tóraǵasynyń orynbasary Marııa Hadjıeva Senatta ótip jatqan dóńgelek ústelde BJZQ-daǵy qarjysy azaıyp qalǵanyna jıi shaǵymdanatyn salymshylar týraly pikir bildirdi. 

Хаджиева Мария Жамаловна
Фото: Қаржы нарығын реттеу және дамыту агенттігі

- Ókinishke qaraı, salymshylar jıi túsinbeı jatady. BJZQ-nyń ınvestıtsııalyq tabystylyǵyn keıingi eki aıdyń qorytyndysyna qarap baǵalaýǵa bolmaıdy. «Men shyǵynǵa battym» dep jatady. Bul - olaı emes. Investıtsııalyq tabystylyqty uzaq merzimmen eseptep qaraý kerek, - dedi agenttik tóraǵasynyń orynbasary.

Onyń sózinshe ınvestıtsııalyq tabystyń tómendeýine túrli faktor sebep bolyp otyr. 

- Shyǵyndarǵa túrli kórsetkishter áser etedi. Shetel valıýtasyndaǵy qarjy quraldarynyń quny ýaqyt saıyn qubylyp jatady. Bul valıýta baǵamyndaǵy ózgeristerge baılanysty. Naryqtyń syrtqy konıýktýrasy ózgerýi múmkin. Biraq uzaq merzimmen alǵanda biz utymdy ınvestıtsııalyq tabys kórsetýimiz kerek. Ol ınflıatsııadan keminde 2 paıyz joǵary bolý qajet, - dedi Marııa Hadjıeva.

Buǵan deıin Ulttyq bank tóraǵasynyń orynbasary Aqyljan Baımaǵambetov Biryńǵaı jınaqtaýshy zeınetaqy qorynyń aqshasy qandaı jobalarǵa ınvestıtsııalanatynyn aıtqan edi

Сейчас читают