Agenttik anonımdi Telegram-kanal ákimshilerin anyqtaý is-qımyldaryn túsindirdi

ASTANA. KAZINFORM – Qarjylyq monıtorıng agenttigi tóraǵasynyń orynbasary Jeńis Elemesov QirSabyn Telegram-kanaly ákimshilerin anyqtaý is-sharalary qalaı bolǵanyn aıtty.

Búgin Senattyń jalpy otyrysynan keıin tilshiler QirSabyn Telegram-kanaly ákimshilerin ustaý kezinde Qarjylyq monıtorıng agenttigi qandaı is-qımyldarǵa qatysqanyn surady.

- Qarjylyq monıtorıng agenttigi qarjylyq monıtorıng sýbektilerinen bolatyn barlyq kúdikti tranzaktsııalardy únemi qadaǵalap otyrady. Al eger kúdikti tranzaktsııalar derekteri arasynda keıinnen qylmys jasaýda qoldanylýy múmkin keıbir is-qımyldardy kóretin bolsaq, onda biz tereńirek taldaý júrgizemiz. Keıin bul zertteýlerdi qylmystyń osy túrimen aınalysatyn quqyq qorǵaý organyna beremiz. Atalǵan derek boıynsha dál osy is-sharalar atqaryldy, ıaǵnı isti keıin tıisti bap boıynsha jaýapty basqa quqyq qorǵaý organdary tergeıdi, - dedi J. Elemesov.

Agenttiń basshysynyń orynbasary elimizde qylmystyq kiristi zańdastyrý men lańkestikti qarjylandyrýǵa qarsy áreket týraly zańnama bar ekenin eske saldy.

- Búgin Senattyń jalpy otyrysynda da tıisti qujat maquldandy. Atap aıtqanda, zań boıynsha qarjylyq monıtorıngtiń sýbektileri shekti tranzaktsııalarǵa qatysty nemese barlyq kúdikti tranzaktsııalar boıynsha málimetterdi usynýy kerek - dedi ol.

Eske salsaq, byltyr jeltoqsan aıynda Bas prokýratýra anonımdi QirSabyn Telegram-kanaly ákimshileriniń ustalǵanyn rastaǵan.

Bul kúdiktilerdi ustaýǵa Bas prokýratýranyń úılestirýimen Ulttyq qaýipsizdik komıteti jáne ІІM vedomstvoaralyq jedel-tergeý toby jáne QMA-niń mamandandyrylǵan bólimshesi qatysqan.