Agenttik jemqorlyqpen óner arqyly kúresýge kiristi
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi balalar arasyndaǵy respýblıkalyq sýret baıqaýyn qorytyndylady. Jemqorlyq taqyrybyndaǵy balalardyń sýretteri arnaıy kórmege shyǵaryldy. Budan bólek, ol jerde kásibı qolóner sheberleriniń jumystaryn kórýge bolady, dep habarlaıdy QazAqparat tilshisi agenttiktiń baspasóz qyzmetine silteme jasap.
"Endi agenttik ǵımaratyna kirgen kez kelgen adam baıqaý jeńimpazdarynyń týyndylaryn óz kózimen kóre alady. Ondaı konkýrstar turaqty túrde ótkiziledi. Al kórme jumystary únemi jańartylady. Budan bólek, kórmege sybaılas jemqorlyqqa qarsy kúres taqyrybyndaǵy músin, kompozıtsııa men kartınalar shyǵarylady. Atalǵan jumystardyń avtorlary - kásibı óner qyzmetkerleri. Olar da konkýrsa qatysty", - delingen resmı xabarlamada.
Aıta ketken jón, kórmeni QR Prezıdenti janyndaǵy Memlekettik basqarý akademııasynda ornalastyrýdyń ózindik máni bar. Ol jerde Qazaqstannyń túkpir-túkpirinen kelgen memlekettik qyzmetkerler óz bilimderin shyńdaıdy. Olar balalar men óner qyzmetkerleriniń týyndylaryn kórip, ózderine júktelgen mindettiń mańyzdylyǵyn jete túsine bastaıdy degen senim bar.
Búginde osy ispetti kórmeler Bangkok (Taıland) qalasynda keńinen uıymdastyrylyp keledi.
