Agenttik kúdikke ilingen Asqar Esilovke qatysty túsinik berdi

NUR-SULTAN. QazAqparat – Sybaılas jemqorlyqqa qarsy is-qımyl agenttigi jaqynda para boıynsha kúdikke ilingen Nur-Sultan qalasy Baıqońyr aýdanynyń burynǵy ákimi Asqar Esilovke qatysty túsinik berdi, dep habarlaıdy QazAqparat tilshisi.

«Bul máselege qatysty oǵan jalǵan aktilerge qol qoıǵan degen aıyp taǵylyp otyr. Óziniń kinásin tolyq moıyndaǵan soń, qamaýǵa alynǵan joq. Ol úı qamaqta. Biraq tergeý júrip jatyr», - dedi Baýyrjan Balǵabekov tilshiler saýalyna jaýap bere otyryp.

Eske sala keteıik, bir apta buryn QR Sybaılas jemqorlyqqa qarsy is-qımyl agenttigi Baıqońyr aýdanynyń ákimi Asqar Esilovtiń para aldy degen kúdikke ilingenin rastady.

«Iá, ras. Sybaılas jemqorlyqqa qarsy qyzmet Baıqońyr aýdany ákiminiń para alý faktisine qatysty ustalǵanyn rastaıdy. Ol jeke kompanııa ókilinen iPhone uıaly telefonynyń sońǵy nusqasyn para retinde aldy degen kúdikke ilindi», - dedi QR Sybaılas jemqorlyqqa qarsy is-qımyl agenttigi Tergeý komıtetiniń bas tergeýshisi Danııar Bekaıdarov.