Agenttik departamenti muǵalimderdi baspasózge májbúrlep jazdyrýmen kúrespek
TALDYQORǴAN. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti basylymdarǵa májbúrlep jazýdyń aldyn alýda, dep habarlaıdy QazAqparat tilshisi.
Atalǵan mekeme oblystyq qoǵamdyq keńes múshesimen birlesip Taldyqorǵannyń muǵalimderi arasynda jasyryn saýalnama júrgizýde.
Shara aǵymdaǵy jyldyń 24-30 qańtar aralyǵynda ótkiziledi. Maqsat - bilim berý júıesinde sybaılas jemqorlyqtyń aldyn alý jáne májbúrlep merzimdi basylymdarǵa jazylý faktilerin anyqtaý. Saýalnamamen qatar, bilim berý mekemelerinde sybaılas jemqorlyqtyń aldyn alýǵa baǵyttalǵan birqatar is-sharalardy uıymdastyrý josparlanýda.
«Osylaısha, Qazaqstan Respýblıkasy Prezıdentiniń joldaýynda sybaılas jemqorlyqtyń aldyn alýǵa baǵyttalǵan strategııalyq mindetterdi iske asyrý boıynsha jan-jaqty jumystar atqarylýda», - dedi oblystyq QR Memlekettik qyzmet isteri jáne sybaılas jemqorlyqqa qarsy is-qımyl agenttigi Almaty oblysy boıynsha departamentiniń baspasóz hatshysy Symbat Israpýlova.
