Agenttik basshysy Úkimet basshysynan jer ınspektorlarynyń quramyn arttyrý boıynsha qoldaý kórsetýdi surady
ASTANA. Qańtardyń 20-sy. QazAqparat /Rýslan Ǵabbasov/ - Búgin Astanada ótken alqa májilisinde Jer resýrstaryn basqarý jónindegi agenttiginiń tóraǵasy Ómirzaq Ózbekov Úkimet basshysy Kárim Másimovten elimizdegi jer ınspektorlarynyń quramyn arttyrý boıynsha qoldaý kórsetýdi surady,
dep habarlaıdy QazAqparat.
«Jer ınspektorlarynyń azdyǵynan, aýdandardaǵy shtattyq quramnyń bolmaýy respýblıka aýmaǵynda memlekettik qadaǵalaýdy júzege asyrýda problemaly bolýda», dedi Agenttik tóraǵasy.
Atalǵan másele barlyq oblystardyń, qalalardyń atqarýshy organdarynda kóterilgenin jetkizgen ol, olardyń barlyǵy da ınspektorlardyń shtattyq sanyn arttyrýdy surap otyrǵanyn, alaıda bul másele sheshilmegen kúıinde qalǵanyn jetkizdi.
«Osyǵan ora, Kárim Qajymqanuly, bul problemany kezeń-kezeńmen sheshýge qoldaý kórsetýińizdi suraımyn», dedi Ó. Ózbekov.
