Aǵaıyndy Koender Kann festıvaliniń qazylar alqasyn basqarady
ASTANA. QazAqparat - Rejısser jáne stsenarıı jazýshylar, aǵaıyndy Djoel jáne Itan Koender 68-shi Kann kınofestıvaliniń qazylar alqasyn basqarady. Bul týraly kınobaıqaýdyń uıymdastyrýshylary málim etti.
Osylaısha, festıval tarıhynda alǵashqy ret qazylar alqasynyń basynda birdeı eki adam otyrmaq. Baǵdarlamaǵa qatysatyn fılmder men qazylar alqasynyń tolyq quramy sáýir aıynda belgili bolady.
1991 jyly Koender (Barton Fınk» fılmi úshin Kann festıvaliniń «Altyn palma butaǵyna» ıe boldy. «Vnýtrı Lıýına Devısa» kartınasy 2013 jyly rejısserlerge Kann qazylar alqasynyń Gran-prı júldesin ákeldi. Koender Kann kınofestıvalinde eki ret úzdik rejısserler retinde tanyldy. Bir júldeni 1996 jyly «Fargo» úshin alsa, ekinshisin 2001 jyly «Chelovek, kotorogo ne bylo» týyndysy úshin ıelendi.
Qazirgi kezde aǵaıyndylar Djordj Klýnı, Krıstof Lambert, Skarlett Iohansson, Tılda Sýınton, Djosh Brolın jáne Chennıng Tatým túsip júrgen «Ave,Tsezar!» fılminiń óndirisinde júr.
68-shi Kann festıvali 13-24 mamyr aralyǵynda ótedi.
