Aǵaıyndy Klıchkoǵa bir-birimen jekpe-jekke shyǵýy úshin 100 mıllıon dollar usynyldy
ASTANA. QazAqparat - WBA (Super), WBO jáne IBF nusqalary boıynsha asa aýyr salmaqtaǵy álem chempıony, Ýkraınanyń 38 jastaǵy boksshysy Vladımır Klıchko, WBC nusqasy boıynsha álemniń qurmetti chempıony, sporttyq jolyn aıaqtaǵan Vıtalıı Klıchkomen aradaǵy jekpe-jek úshin ózderine, ıaǵnı aǵaıyndy boksshylarǵa 100 mıllıon dollar usynylǵanyn habarlady, dep jazady Interfaks.
«Vıtalıı ekeýimizden jekpe-jekke shyqpaısyńdar ma dep talaı márte suraǵan, biraq biz anamyzǵa eshqashanda olaı istemeıtinimizge ýáde ettik. Ol bizge bokspen aınalysýǵa tek osyndaı talap qoıýmen ruqsatyn bergen», - dep jazady kishi Klıchkonyń sózderin NBC.
«Jigitter, sender tarıhqa kiresinder. Men senderdi baı etpekshimin», - dedi bizge Kıng. Alaıda bul jerde mıllıardtyń da kómegi tımeıtin edi. Aqsha - barlyǵy emes. Keıbir adamdar ony túsinbeı, aqsha arqyly barlyǵyn sheshýge bolady dep esepteıdi. Aǵaıyndylar arasynda eshqandaı jekpe-jektiń bolýy múmkin de emes. Men Vıtalııdi óte qatty jaqsy kóremin», - dep qosyp ótti Vladımır Klıchko.
