Aǵaıyndy Emelıanovtar Tokıo olımpıadasynda jartylaı fınalǵa óte almady

TOKIO. QazAqparat - Tokıo Olımpıadasynda erler men áıelder arasynda baıdarka men kanoe esýden saıystar jalǵasyp jatyr, dep habarlaıdy QazAqparat Olympic.kz-ke silteme jasap.

Baıdarka men kanoede esýden erler arasynda 1 000 metr qashyqtaǵy shırek fınaldyń syndary aıaqtaldy. Atalǵan sanat boıynsha Qazaqstan sapynan aǵaıyndy Sergeı men Tımofeı Emelıanovtar qatysty.

Shırek fınaldyń nátıjesi boıynsha Qazaqstan 3:55.157 kórsetkishmen tórtinshi orynnan kórindi. Mundaı nátıje A fınalyna joldama alýǵa jetkiliksiz bolǵandyqtan, qazaqstandyq dýet V fınalynda baq synaıdy.

V fınaly 3 tamyz kúni Nur-Sultan ýaqytymen tańǵy saǵat 8:45-te ótedi.