Aǵaıyndy Beıseqojalar Germanııada jeke kontsertin ótkizdi
Nuráli men Ǵalamattyń ónerin tamashalaýǵa dıplomatııalyq korpýs ókilderi, nemis bıznesmenderi, mádenıet qaıratkerleri, sonymen qatar Germanııadaǵy qazaqtar keldi.
Shyǵarmashylyq keshtiń shymyldyǵyn Qazaqstannyń eń jas kompozıtory Nuráli ashty.
Keıin kesh qonaqtary Ǵalamattyń oryndaýynda qazaq kúılerin tyńdady.
Budan bólek, aǵaıyndylar klassıka men folklordy bir arnaǵa toǵystyryp óner kórsetti.
«Uly dala mýzykasy» atty bul kontsert el táýelsizdiginiń 30 jyldyǵyna arnaldy.
Volfgang Davıd, arheologııalyq mýzeı dırektory:
– Keremet! Eki mýzykant ta óte sheber. Klassıkalyq pıanıno men dástúrli qazaq aspabyn biriktirgeni tamasha boldy.
Nuráli Beıseqoja, kompozıtor, pıanıst:
– Kontsert keremet ótti. Frankfýrtta shabyt kelip, bir shyǵarma jazyp shyqtym. Ol «Baqytqa aparar jol» dep atalady.
Ǵalamat Beıseqoja, kompozıtor, kúıshi:
– Osyndaı kórermenniń bolǵanyna óte qýanyshtymyz. Shetelde, Eýropa sahnasynda, kóbirek óner kórsetsek deımiz. Osylaısha jer-jerdi óz mýzykamyzben baǵyndyrǵymyz keledi.
