Aǵaıyndy qazaqstandyq sportshylar ústel tennısinen Aýstrııa kýbogynda júldeli boldy
ASTANA. KAZINFORM – Qazaqstandyq ústel tennısi sheberleri, aǵaıyndy Dastan men Aıdos Kenjiǵulov Aýstrııa kýbogynda jaqsy nátıjege qol jetkizdi.
Aıdos Kenjiǵulov kýbok ıegeri «Shtokkeraý» klýbynyń quramynda óner kórsetedi. Onyń komandasy fınalda «Vels» komandasyn 3:1 esebimen jeńip, týrnır tarıhynda tórtinshi ret júldeger atanyp otyr.
Aıdos fınaldyq kezdesýde bir match ótkizip, qarsylasyn 3:0 esebimen qapy qaldyrdy.
Dastan Kenjiǵulov «Baden» klýbynyń quramynda jarysqa qatysyp, týrnırdiń qola júldesin aldy. Osylaısha, eki aǵaıyndy qazaqstandyq sportshy da Aýstrııa kýbogynda júldeli oryndarǵa ıe boldy.
Buǵan deıin jazǵy Azııa oıyndaryna Qazaqstannan 500-ge jýyq sportshy qatysatynyn habarlaǵan edik.
