Agata Krıstıdiń eski shabadannan tabylǵan tanamonshaǵy men saqınasy 80 myń dollarǵa satyldy
ASTANA. QazAqparat - Ataqty aǵylshyn jazýshysy Agata Krıstıdiń otbasylyq jádigerlikteri Londondaǵy aýktsıonda 49,3 myń fýntqa (79,2 myń dollar) satyldy, dep habarlady ITAR TASS.
Bonhams saýda úıiniń habarlaýynsha, olardyń baǵalaý quny 10 myń fýnttan (16 myń dollar) asqan joq.
Zergerlik buıymdar aǵylshyn jazýshysynyń talantyna tabynǵan Djenıfer Granttyń eski shabadanynan tabyldy, ony ol 2006 jyly 100 fýntqa (160 dollar) satyp alǵan bolatyn.
Satyp alǵannan keıin Grant 4 jylǵa jýyq ýaqyt ony ashpaǵan. Sandyqty ashqan boıda ol altyn shaqalar salynǵan ámıandy, sondaı-aq úsh brıllıantty saqınany taýyp aldy, ol jóninde Krıstı óziniń ǵumyrnamsynda jazǵan bolatyn.
Aıtalyq tanamonshaq 27,5 myń fýntqa (44,2 myń dollar), saqına 21,8 myń fýntqa (35,1 myń dollar) satyldy.
Bonamhs ókili Kerol Gordonnyń aıtýynsha, bul zergerlik buıymdardyń tabylýy tamasha oqıǵa boldy.
Ataqty aǵylshyn jazýshysy Agata Krıstı oqyrmandarǵa óziniń shytyrman romandarymen tanymal. Onyń kitaptary 4 mlrd. danadan astam taralymmen álemniń 100-den astam tilderine aýdaryldy.
