Aǵasy qaryndasyn bássaýdada satpaq
ASTANA. QazAqparat - Ulybrıtanııa turǵyny Kaıl Maalem kúıeý taýyp berý úshin eVaý bássaýdasyna óziniń qaryndasyn shyǵardy. Er adam áıeldi 50 fýntqa baǵalady. Maalem bul habarlandyrýdyń salmaqty oımen jasalǵanyn aıtyp, satyp alýshylarǵa mańyzdy talaptar qoıylatynyn atap kórsetti, dep jazady sheteldik BAQ.
Lottyń sıpattamasynda Semmı Maalemniń Londonda dúnıege kelgendigi, alaıda qazir Kardıffte turatyny jáne otbasylyq zergerlik fırmada jumys isteıtindigi aıtylǵan.
«Ol óte adal, alaıda onyń jigit izdeýde joly bolmady. Sol sebepti meniń otbasym ol úshin jaqsy jigit tabý kerek dep sheshti», - dep jazylǵan habarlamada.
Maleem onyń qaryndasyn alǵysy keletin er adamnyń adal, turaqty jumysy bar, 27-35 jas aralyǵynda bolýy kerek. Jáne ol otbasymen demalǵandy unatýy jáne sheteldik azamat bolmaýy kerek. Sondaı-aq, habarlamada lottyń oramada bolatyny jáne tegin jetkiziletini kórsetilgen. Semmı Maalem aǵasynyń bul isin basynda jaman ázil dep qabyldaǵanyn aıtqan. Alaıda habarlandyrýdy oqyp ol aǵasynyń bul iske óte baısaldy qaraǵanyn túsingen. Q yz Kaılǵa ózine jigit izdeýge tyrysyp kórýine ruqsat bergen. «Bássaýda aıaqtalǵanda, men jeńimpazben kezdesýge baratyn shyǵarmyn. Meniń aǵam buǵan kóp ýaqytyn ketirdi. Ol meni qorǵap júredi, sondyqtan men onyń pikirine senemin», - dep málimdedi qyz. Saýda 27 qazan kúni aıaqtaldy, alaıda onyń nátıjesi týraly eshteńe belgisiz.
