Aǵasy inisiniń oqý aqysyn tóleý úshin jumystan aqsha urlaǵan
ASTANA. QazAqparat - Ózbekstannyń Navoı qalasynda aǵaly-inili ekeý saýda ortalyǵynan aqsha urlady. Biraq, kóp uzamaı, qolǵa tústi, dep xabarlaıdy QazAqparat tilshisi Darakchi.uz saıtyna silteme jasap.
Bul oqıǵa jaıynda Ózbekstannyń ishki ister mınıstrliginiń "Postda" gazeti de jazdy. Alaıda eki jigittiń atyn ózgertti. Navoı qalasynyń turǵyny Sabır Mýradov astananyń bedeldi oqý oryndarynyń birine túsken edi. Onyń qýanyshyn tejegen bir-aq nárse - aqyly bólimine túskeni. Osyny ata-anasyna qalaı aıtatynyn bilmegen. Sebebi olardyń oqýǵa aqsha taba almaıtynyn túsindi.
Sabır aldymen úlken aǵasy - Djabırmen aqyldasýdy jón kórdi. Ekeýi kezdeskende aǵasy ózi jumys isteıin saýda ortalyǵyn tonaýdy usyndy. Jospar boıynsha Sabır úlken aǵasynyń kómegimen artqy esikten kirip, qoımanyń ishine tyǵylady. Jumys kúni aıaqtalǵasyn barlyq beınebaqylaýdy aǵytady da, saqtaý kamerasynda jatqan aqshany alady. Sosyn tańerteń aqyryn qoımadan shyǵyp ketedi. Sabır bári aǵasy aıtqandaı jasap shyqty. Sómkesine 4 mln sýmdy (170 myń teńge) salyp, shyǵyp ketedi. Alaıda ekeýi de birneshe kúnnen keıin qolǵa túsedi.
