Aǵashtyń jappaı qulaýy Medeýdiń ekojúıesin buzdy - A.Rahymbetov
ALMATY. 3 qazan. QazAqparat /Erbol Azanbek/ - Medeý shatqalyndaǵy aǵashtyń boran saldarynan jappaı qulaýy onyń ekojúıesin buzdy. Tikbetkeıler qulap, qysta qar kóshkini bolý qaýpi de artyp otyr. Bul týraly Almaty ákimdiginde ótken «Kóktemde bolǵan borannyń Medeýdiń ekojúıesine áseri» atty «dóńgelek ústel» barysynda qalalyq tarıǵı resýrstar jáne tabıǵatty paıdalanýdy retteý basqarmasynyń bastyǵy Altaı Rahymbetov aıtty.
«Taý betkeıleri qardy ustaıtyn tabıǵı qabiletinen aıyryldy. Endi qazir qys kezindegi qaýipsizdik máselesi týyndap otyr. Taýda qar qazirdiń ózinde túsip úlgerdi, qaýipti jaǵdaı qalyptasyp otyr», - dep atap ótti ol. Ol sondaı-aq óz sózinde Medeý parki aýmaǵynda 10 myń aǵash qulap, qalada 37 ǵımarat pen turǵyn úıdiń shatyry, jaryq berýshi 67 baǵannyń búlingenin atap ótti. Boran saldaryn joıý úshin jergilikti bıýdjetten 617 mln. teńge bólingen. Almatynyń 8 uıymy Medeý shatqalyn tazalaýǵa tartylyp, bunda kúnine 100 adam, 95 tehnıka jumys istegen. «Qala aýmaǵy tolyqtaı tazalandy»,- dedi basqarma bastyǵy.
A. Rahymbetovtyń aıtýynsha, Іle-Alataýy parkinde 96 myń tekshe metrlik 480 ga. jasyl aýmaq búlingen. Bul aýmaqta tazalaý jalǵasýda. Qazirge deıin 15 myń tekshe metr aǵash daıyndalǵan. «Bul óte baıaý. Sonymen qatar jumys barysynda «Medeý-Shymbulaq» joly boıyndaǵy qabyrǵalar men jol qatparlary búlingen. Bul aýmaq mindetti túrde tazalanýy tıis. Biraq jol qabatyn buzbaıtyndaı tehnologııa qoldaný kerek»,- dedi ol.
