Aǵashty zańsyz keskender ormanshylardyń ózderi bolyp shyqty - Pavlodar oblysy
Oblystyq polıtsııa departamentiniń málimdeýinshe, Aqqýly aýdanynyń polıtseıleri «Ertis Ormany» RMM qyzmetkerlerin 1 mln teńgege jýyq qaraǵaı túrindegi qýraǵan aǵashtardy zańsyz kesti jáne urlady degen kúdikpen ustady.
- Reıdtik is-sharalar barysynda polıtseıler Shakın aýyldyq okrýginde belgisiz tulǵalardyń Baımbet ormanshylyǵy aýmaǵynda ártúrli oramdarda 18,25 tekshe metr kóleminde qaraǵaı túrindegi qýraǵan aǵashtardy zańsyz keskenderin jáne áketkenderin anyqtady. Júk kóliginiń izderi polıtsııa qyzmetkerlerin kórshi oblystaǵy aýyldardyń birine apardy. Aýyldy aralaý kezinde polıtseıler aýlasyna orman aǵashtary jınalǵan úıdi tapty. Bular zańsyz kesý ornynda tabylǵan aǵashtarǵa uqsas boldy. Sondaı-aq, úıdiń aýlasynda aǵash óńdeýge arnalǵan aralaý qurylǵysy ornalasqan, - dedi departamentte.
Zańsyz aǵash kesý faktisi Sharbaqty aýdanynda da anyqtaldy. Orman urlady degen kúdikpen 36 jastaǵy pavlodarlyq anyqtalyp, ustaldy. Ol Shaldaı aýyldyq okrýginiń Sadyq-aşy aýylynyń janyndaǵy orman alqabynda qurǵaq jáne dymqyl ósken ormandy zańsyz kesip tastaǵan. Shyǵyn somasy 1 mln teńgeden asty.
Polıtsııa eki fakti boıynsha Qazaqstan Respýblıkasy QK 340-baby boıynsha sotqa deıingi tergeý júrgizýde.
Aıta keteıik, jyl basynan beri pavlodarlyq polıtseıler ormandy zańsyz kesý men urlaýdyń 35 faktisin anyqtady.