Aǵashtar men gúlder qýrap qalǵan: Elorda ákimi birneshe saıabaqta boldy
NUR-SULTAN. QazAqparat – Elorda ákimi Altaı Kólginov Ekologııa, geologııa jáne tabıǵı resýrstar vıtse-mınıstri Erlan Nysanbaevpen birge saıabaqtar, býlvarlar men botanıkalyq baqta bolyp, olardyń jaı-kúıimen tanysty, dep habarlaıdy QazAqparat.
«Máselen, ótken jyly ǵana ashylǵan »Jetisý« saıabaǵynda aǵashtar qýrap qalǵan, qýraǵan shópter jınalmaǵan, gazondar abattandyrylmaǵan. Sondaı-aq aǵashtardyń solǵan butaqtary kesilmegen. Sýarý júıesi aýmaqta jumys istemeıdi. Keıbir aǵashtar sýdyń jetispeýine baılanysty óte nashar kúıde.
Al »Nurly jol« jelekjolynda keıbir gúlzarlarda gúlder múldem joq, aǵashtar keýip jatyr», - dep jazdy qala basshysy Instagram-da.
A.Kólginovtyń aıtýynsha, «Ǵashyqtar» saıabaǵy da dál osyndaı jaǵdaıda. Onymen qosa, synǵan plıtalar fontan kelbetin buzyp tur.
Botanıkalyq baqta gúlder otyrǵyzylyp, kógaldar tóselgen. Sýarý júıesi de qalpyna keltirilip, sýburqaqtardyń jumysy iske qosylǵan. Munda da aǵashtar men butalardyń jaı-kúıin qalpyna keltirý qajet etedi. Ákimshilik ǵımarattarynyń alańynda sýarýdyń durys emestiginen jáne arzan shymtezek tańdaý saldarynan gúlder solǵan. Ósimdiktermen birge aramshópter ósip tur.
Qala ákimi atap
ótkendeı, «Astana-Zelenstroı» AQ jumysyn qalpyna keltirý,
ósimdikterdi emdeý jáne turaqty negizde aǵashtardy, gúlder men butalardy
sýarýmen aınalysý qajet.
