Aǵashtar qulaǵan, shatyrdy ushyryp áketken: Almaty boıynsha 43 habarlama tústi
Daýyl saldaryn joıý jumystaryn aýdandyq ákimdikterdiń merdiger uıymdary men Almaty qalasynyń qutqarý qyzmeti júrgizýde.
«112» jelisine qulaǵan aǵashtar, ǵımarat shatyrlaryn ushyryp áketý, turǵyn úı aýlalaryn sý basý deregi boıynsha 43 habarlama tirkeldi. Jedel járdem qyzmetiniń málimeti boıynsha 2 adam jeńil dene jaraqatyn alǵan. Qazirgi ýaqytta olardyń ómiri men densaýlyǵyna qaýip tónip turǵan joq, dárigerler tekserip úılerine jiberdi.
Saǵat 22.00-degi málimette:
- avtokólikke qulaǵan aǵashtar boıynsha – 25 oqıǵa;
- jeke turǵyn úılerdiń, kópqabatty, ákimshilik ǵımarat shatyrlarynyń buzylýy – 13 jaǵdaı tirkelgen. TJ saldaryn nysan ıeleri óz betimen joıýda. Budan bólek, kópqabatty úılerdiń syrtqy qaptaýlary túsip (2 oqıǵa), sý basý qaýpi týyndaǵan. T rolleıbýs jelisi de úzilgen.
«Tabıǵı sıpattaǵy zardaptardy joıýǵa Tótenshe jaǵdaılar departamentinen – 27 qyzmetker, 11 tehnıka, 3 motopompa, ákimdikterdiń merdigerlik uıymdary jáne «109» qutqarý qyzmetinen – 127 adam men 57 birlik tehnıka jumyldyryldy»,- dep habarlady vedomstvodan.
