Aǵashtar qalany qalaı qorǵaıdy: jasyl jelektiń bes paıdasy
ASTANA. KAZINFORM — Qaladaǵy aǵashtar men butalar — qorshaǵan ortanyń tabıǵı retteýshisi ǵana emes, qalalyq ekologııalyq ınfraqurylymnyń mańyzdy bóligi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Sonymen qaladaǵy aǵashtar men jasyl jelekterdiń qandaı paıdasy bar:
- aýanyń sapasyn jaqsartýǵa jáne shań-tozańnyń bir bóligin ustaýǵa;
- qalanyń shamadan tys qyzýyn báseńdetýge;
- qolaıly mıkroklımat qalyptastyrýǵa;
- kólik jáne basqa da kózderden taraıtyn shýdyń áserin azaıtýǵa;
- qustar, jándikter men basqa da tiri aǵzalar úshin mekendeý ortasyn qalyptastyrýǵa yqpal etedi.
— Ásirese ystyq ári qurǵaq kezeńderde jasyl jelekterdiń mańyzy arta túsedi. Aǵashtardyń kóleńkesi jer betiniń qyzýyn azaıtsa, japyraqtar arqyly sýdyń býlanýy qorshaǵan ortanyń salqyndaýyna yqpal etedi. Sondyqtan qalany kógaldandyrý — onyń kórkin arttyrý ǵana emes, turǵyndar úshin qolaıly ári ekologııalyq turaqty orta qalyptastyrýdyń mańyzdy baǵyty, — delingen mınıstrlik taratqan aqparatta.
Osydan buryn Ulytaý oblysynda bir kúnde 1 550 túp jasyl jelek egilgenin jazǵanbyz.
