Aǵashtan jasalǵan antısmartfon paıda boldy (FOTO)
ASTANA. QazAqparat - Monohm amerıkalyq kompanııasy erekshe zamanaýı - Runcible atty smartfonǵa bastapqy tapsyrystar qabyldaı bastady. Qurylǵy bir jarym jyl buryn halyqaralyq kórmede jarııa etilgen. Sodan beri ol jetildirilip, óndiristik jelige shyǵarylǵan, dep jazady The Verge basylymy.
Monohm óz apparatyn antısmartfon dep atady. Ony jasaýshylardyń aıtýyna qaraǵanda pishini dóńgelek aǵashtyń ishine ornalastyrylǵan Runcible adamdardy ınternetten bas tartqyzýy kerek. Deıturǵanmen qurylǵyda Google Play dúkenine kirip kez kelgen qoldanbany kóshirip alýǵa shekteý qoıylmaǵan.
Smartfon kóne qalta saǵattaryna uqsaıdy, ári ákeden baladan muraǵa qaldyrylatyn dúnıe, dep sanaıdy ony jasaýshylar.
Runcible qurylǵysynda batyrmalar joq, sensorly, microUSB arqyly qýat alady. Ony basqarý júıesi de qarapaıym jasalǵan.
AQSh-ta jańa qurylǵyǵa tapsyrys berý - 500 dollar turady. Ol qyrkúıek aıynda jetkizile bastaıdy. 
