Aǵash túbinde umyt qaldyrǵan 22 altyn quımany ıesine qaıtaryp bergen
ASTANA. QazAqparat - Berlındegi Neıkeln aýdanynda belgisiz bireý aǵash túbinde umyt qaldyrǵan 22 altyn quımasyn jáne úsh jarym myń eýrony qala turǵynyna qaıtaryp berdi.
Polıtsııanyń habarlaýynsha, baǵaly zattardyń ıesi óz velosıpediniń aqaýyn jóndemek bolǵan kezde aqsha jáne altyn salynǵan túıinshekti jerge qoıyp, artynan umytyp ketken.
Arada birshama ýaqyttan soń tap sol jerden ótip bara jatqan jolaýshy ony ashyp qaraǵanda... qatty tańdanady. Ázirge esimi atalmaı otyrǵan azamat qundy zattardy polıtsııaǵa tapsyrǵan.
Túıinshekte jeke múlikteri bolǵadyqtan onyń ıesin tabý kóp qıyndyq keltire qoıǵan joq.
Endi álgi jan adaldyǵy úshin marapattalatyn bolady.
Nemis zańnamasyna sáıkes, joǵalǵan zattardy tapqan adamdar sol tapqandarynyń qunynyń úsh-bes paıyzyn alýǵa quqyly.
Al myna jaǵdaıda syıaqynyń mólsheri eki myń eýroǵa jetýi múmkin.
