Aǵash otyrǵyzý arqyly da jemqorlyqtyń aldyn alýǵa bolady

Aktsııa «Aqmola – adaldyq alańy» jobasy sheńberinde ótti. Aǵash otyrǵyzý úshin atalmysh departament qyzmetkerleri Abylaı han dańǵyly men Súleımenov kósheleri qıylysynda ornalasqan saıabaqty tańdady.
Qolaıly ekologııalyq klımat qurý arqyly parasattylyqty tárbıeleý týraly QR Sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy Murat Tóleýbaev óz pikirimen bólisti
«Ekologııalyq mádenıetti nasıhattaı otyra, biz azamattardyń boıynda parasattylyqty qalyptastyrýǵa zor mán beremiz. Bul aktsııa óńirimizdi abattandyrýǵa, ıgiliktendirýge ǵana emes, sonymen qatar jastardy patrıottyq turǵyda tárbıeleýge jáne olardyń bolashaq úshin jaýapkershilik sezimin arttyrýǵa baǵyttalǵan. Búgin bizdiń taǵy bir márte olar úshin jaǵymdy mysal bolǵanymyz qýantady» - deıdi Murat Tóleýbaev.
«Aqmola – adaldyq alańy» jobalyq keńsesiniń basshysy Samıra Taıtenovanyń aıtýynsha, aǵashtar sýyqqa tózimdi, sondyqtan tez ósip ketetinine kúmán joq. Atalǵan aktsııanyń birjolǵy shara emes ekendigin atap ótken jón. Departament qyzmetkerleri Kókshetaý qalasy ákimdiginiń qyzmetkerlerimen birlesip ekologııalyq aktsııalar men senbilikterge jıi qatysyp keledi.